Reflection on being a Life Coach

" We may never always successful, but we must remain faithful” – Mother Teresa of Culcuta

Masarap na mahirap ang buhay ng isang Life Coach. Masarap kapag nakakatulong ako sa mga lumalapit sa akin at makalipas na sila ay matulungan ko na, sila’y muling tatawag at magpapasalamat at kung minsan ako ay naiimbitahan pa sa binyag ng kanilang anak o kaya’y kukuning ninang. Mahirap, kapag ginawa ko na ang lahat nang aking makakaya upang sila ay matulungan at pagkatapos ay magpapasya pa ring ipalaglag ang sanggol na kanilang dinadala. Masakit para sa aking kalooban ang mga ganitong pangyayari.

May mga ilang karanasan na rin ako na ako ay talagang lumuha, nalungkot kapag ang aking kinakausap ay nagpapasya pa rin na magpalaglag matapos na mailatag ko na sa kanila ang mga posibleng tulong na magagawa ko sa kanila, either na irefer sila sa mga maternity home, o kaya’y sa foster care o adoption center, nariyan din ang temporary shelter.

Masakit sa aking kalooban kung hindi ako nakasagip ng buhay na isang sanggol. Hindi nga sa lahat ng pagkakataon na makasasagip tayo ng buhay. Hindi tayo Diyos tayo ay instrumento lamang Niya. Ang tangi nating magagawa ay maging tapat sa ating sinumpaang gawin.

Hindi naman lahat ng panahon ay kalungkutan at kasawian. Marami rin naming kagalakan. May mga ilang na ring kababaihan ang aking natulungan sa kanilang mga suliranin sa kanilang pagbubuntis. Nang makaraos na sila sa kanilang panganganak ako ay kinuha nila upang maging ninang ng kanilang anak. May mga ilan – ilan din na tumatawag o kaya ay nagtetext at nagpapasalamat sa tulong na aking nagawa. Nakakataba ng puso, kahit maliit lang ang aking naitulong, malaking kasiyahan na rin ang naibibigay nito sa aking puso.

Hindi sa lahat nang panahon ay nagtatagumpay tayo. Hindi tayo super hero, mayroon din tayong limitasyon, iisa ang hinihintay sa atin ng Diyos ang maging tapat at masigasig tayo sa ating nasumpaang tungkulin, maliit man ito o malaki.


“ We must not always successful, but we must remain faithful “