Tuesday, July 21, 2009

Kapansanan ay di balakid

Ano ang iyong ipapasya?

Ang ama ay may “ syphilis “, at ang ina ay may “ tuberculosis “. Sila ay may apat na anak. Ang una ay nabuhay, ang pangalawa ay namatay, ang pangatlo ay pipi at bingi at ang pang-apat ay may tuberculosis.

Ang ina ay buntis ngayon sa kanyang panglimang anak at nagnanais magpalaglag. Sa iyong palagay, ano ang nararapat? Ano ang iyong maipapasya para sa kanya?

Kung pinili mo ay aborsyon. Si Beethoven ay iyong pinatay. Si Beethoven ay nakilala sa kasaysayan ng mundo na isang taga-paglikha ng Classical Music.

- Medical History mula sa:
- R.C. Agnew
- USV Mecial School

Nakalulungkot isipin na kapag nalaman ng isang babae na ang kanyang ipinagdadalang – tao ay may kapansanan, ang unang solusyon na pumapasok sa kanyang isipan ay ang magpalaglag. Para sa kanya mas makatarungan ito kaysa isilang nila ang sanggol na may kapansanan.

Masakit para sa kanya na ang kanyang anak ay habang buhay na maghihirap dahil sa kanyang kapansanan at ang sari- saring pang-aalipusta na maririnig nya na para bang balaraw na dudurog sa kanyang puso.

Ngunit aborsyon nga ba ang solusyon sa ganitong suliranin? HINDI!

Ang pagkakaroon ng kapansanan ay hindi dapat maging sagabal. Hindi ito dapat maging hadlang sa pagtupad ng mga ambisyon, pangarap at mga adhikain sa buhay, sa halip ito ay nagsisilbing inspirasyon upang mas lalong magsumikap, maging matatag sa lahat ng pagsubok. Maraming mga tao na sa kabila nang kanilang kapansanan sila ay naging matagumpay sa kani-kanilang larawan, hindi lamang si Beethoven, marami pang ibang tao, mayaman man o mahirap, kilala man o hindi, ay naging matagumpay sa kani-kanilang larangan.

Lahat tayo ay may karapatang mabuhay, mahalin at kalingain, mayaman man o mahirap, may kapansanan man o wala, lahat tayo ay pantay – pantay sa paningin ng Panginoong na nagbigay ng buhay!

No comments:

Post a Comment